रामेछापमा पहिरो : एक शिशु सहित ६ जनाको शव फेला
काठमाडौं । रामेछापको दोरम्बा(शैलुङ गाउँपालिका( ३ लेकखर्क पोखरी गाउँमा गएराति पहिरोमा परेर बेपत्ता भएकामध्ये एक शिशुसहित ६ जनाको शव फेला परेको प्रहरीले जनाएको छ ।
पहिरोमा बेपत्ता भएका मध्ये ३० वर्षीया चण्डिका श्रेष्ठ र उनका १८ महिने छोरा आमुस श्रेष्ठ, ५७ वर्षीया उर्मीला पहरी, ३० वर्षीय सञ्जिव पहरी, ११ वर्षीय सन्तोष पहरी र ११ वर्षकै विज्ञान पहरीको शव भेटिएको जिल्ला प्रहरी कार्यालय रामेछापले जनाएको छ ।
प्रहरीका अनुसार पहिरोमा अझै केही बेपत्ता भएकाले खोजी कार्य जारी रहेको छ ।
चण्डिकाका आमाछोरा बाहेक अन्य एकै घरका हुन् कि फरक परिवारका हुन् यकिन नभएको प्रहरीले जनाएको छ ।
दोरम्बा(शैलुङ गाउँपालिका( ३ लेकखर्क पोखरी गाउँमा गएराति साढे ३ बजे पहिरो जाँदा लेकखर्चका पाँचवटा घरमा क्षति पुगेको छ।
एकै गाउँको एक ठाउँमा खसेको पहिरोले ३ वटा घर पूर्णरुपमा र एउटा घरमा आंशिक क्षति गरेको छ।
