चितवनको घुमाउनेमा बस दुर्घटना हुँदा १७ जना घाइते
प्रकाशित मिति : 25 August, 2024 10:32 am
काठमाडौं । नारायणगढ–मुग्लिन सडकअन्तर्गत चितवनको घुमाउनेमा बस दुर्घटना हुँदा १७ जना घाइते भएका छन् ।
आइतबार बिहान महेन्द्रनगरबाट काठमाडौँ जाँदै गरेको सुप्रप्र ०२–००१ ख १३३२ नम्बरको बस बिहान ७स्१५ बजे भरतपुर महानगरपालिका वडा नम्बर २९, घुमाउनेमा दुर्घटना भएको प्रहरीले जनाएको छ ।
घाइतेमध्ये ५ घाइतेको अवस्था मध्यम छ भने बाँकी १२ जना सामान्य घाइते भएको जिल्ला प्रहरी कार्यालय चितवनले जनाएको छ । घाइते सबै यात्रुलाई उपचारको लागि भरतपुर लगिएको छ ।
बस आफैँ अनियन्त्रित भई सडकको दाहिनेतर्फको डिभाइडरमा ठोकिएर दुर्घटना भएको प्रहरीले जनाएको छ ।
