शंखमुलको पुल हाउसमा एक जना पुरुषको हत्या
प्रकाशित मिति : 26 August, 2024 9:57 am
काठमाडौँ । काठमाडौँको शंखमुलस्थित पुल हाउसमा एक जना पुरुषको हत्या भएको छ। आइतबार राति शंखमुलस्थित एक पुल हाउसमा ४० वर्षीय रूपक बान्तवाको हत्या भएको प्रहरीले जानकारी दिएको छ ।
शंखमुलस्थित बागमती कोरिडोर आफ्नै २ तले घरको भुइँ तल्लामा ‘द टाइम पास स्नुकर एण्ड खाजा घर’ सञ्चालन गर्दै आएका बान्तवाकाे राति पौने २ बजे हत्या भएको जिल्ला प्रहरी परिसर काठमाडौँका एसपी नवराज अधिकारीले जानकारी दिए ।
बान्तवाको शरीरका विभिन्न भागमा घाउचोटका निशान रहेको छ । घटनाबारे अनुसन्धान भइरहेको प्रहरीले जनाएको छ ।
