कोशीमा सरकारलाई दिएको समर्थन फिर्ता लिँदै माओवादी
प्रकाशित मिति : 30 August, 2024 11:51 am
काठमाडौँ । नेकपा माओवादी केन्द्रले कोसी प्रदेश सरकारलाई दिएको समर्थन फिर्ता लिने भएको छ । यसबारे शुक्रबार नै प्रदेशसभा सचिवालयलाई पत्राचार गराउने बताइएको छ ।
कांग्रेसका केदार कार्की नेतृत्वको सरकारलाई विस्थापन गरी गत वैशाख २७ गते हिक्मत कार्की मुख्यमन्त्री नियुक्त भएका थिए । उनले जेठ १ मा विश्वासको मत लिएका थिए ।
एमालेका हिक्मत कार्कीलाई नेपालको संविधानको धारा १६८ को उपधारा ५ बमोजिम मुख्यमन्त्री बनाउन माओवादी केन्द्रका १३ सांसदले समर्थन गरेका थिए । केन्द्रमा एमाले–कांग्रेस गठबन्धन बनेपछि माओवादी सरकारबाट बाहिरिएको छ प्रदेशसभाको बैठक दिउँसो १ बजे बस्दै छ ।
