पाल्पामा स्कुटर दुर्घटना हुँदा चालकको मृत्यु

काठमाडौँ । पाल्पाको रामपुर नगरपालिका वडा नम्बर १० बर्दले स्थित कालीगण्डकी करिडोरमा स्कुटर दुर्घटना हुँदा जनाको मृत्यु भएको छ ।

कालीगण्डकी करिडोरअन्तर्गत रामपुरको बर्दलेबाट रामटारतर्फ जाँदै गरेको लु४४प २४३१ नम्बरको स्कुटर आज बिहान ८ बजे दुर्घटना हुँदा रामपुर वडा नम्बर १० का ४० वर्षीय यमबहादुर खरु मगर गम्भीर घाइते भएको जिल्ला प्रहरी कार्यालय पाल्पाले जनाएको छ । स्कुटर अनियन्त्रित भइ सडक किनारको डिभाइडरमा ठोक्कीएको प्रहरीले जनाएको छ ।

उनलाई उपचारका लागि रामपुर अस्पताल ल्याइएकामा चिकित्सकले मृत घोषणा गरेको जिल्ला प्रहरी कार्यालयका सूचना अधिकारी एवं प्रहरी नायव उपरीक्षक सुगन्ध श्रेष्ठले जानकारी दिए ।