टान अध्यक्षमा सागर पाण्डे निर्वाचित
काठमाडौँ । ट्रेकिङ एजेन्सिज एसोसिएसन अफ नेपाल (टान) को अध्यक्षमा सागर पाण्डे विजयी भएका छन् । उनले अध्यक्षका अर्का प्रत्याशी राजेन्द्र सापकोटालाई पराजित गर्दै विजयी भएका हुन् । पाण्डेले ५८० मत पाएर विजय हुँदा सापकोटाले ४८० मत प्राप्त गरेका छन् ।
महासचिवममा पाण्डे समुहकै सोनाम ग्याल्जेन शेर्पा विजयी भएका छन् । उनले सापकोटा समूहका राजेन्द्र प्रसाद सुबेदीलाई पराजित गरेका हुन् ।
त्यस्तै वरिष्ठ उपाध्यक्षमा पाण्डे समूहका चोलेन्द्र कार्कीलाई पराजित गर्दै सापकोटा समूहका कर्मा शेर्पा ५५८ मतका साथ विजयी भएका छन् । प्रथम उपाध्यक्षमा सापकोटा समूहका विष्णुप्रसाद लम्साल र द्वितीय उपाध्यक्षमा सनम शेर्पा विजयी भएका छन् ।
त्यस्तै सचिव पदमा रिञ्जी जाङबु शेर्पा , कोषाध्यक्षमा गौतम राज वाग्ले र सहकोषाध्यक्षमा लाक्पा तेम्बा शेर्पा निर्वाचित भएका छन ।
सदस्यहरूमा महिलातर्फबाट पवित्रा तामाङ विजयी भएकी छिन् । त्यस्तै खुल्ला सदस्यमा अम्बिर बहादुर गुरुङ, छाप्ते लामा शेर्पा, राजु गुरुङ, फुर्पु छिरिङ ल्होमी, सागर राई, विकाश गुरुङ, होम बहादुर विश्वकर्मा, विनोद कुमार तामाङ निर्वाचित भएका छन् ।
