काँग्रेस-एमाले गठबन्धन लामो समय जाँदैनःसांसद आलेमगर
काठमाडाैँ । नेकपा (माओवादी केन्द्र) का राष्ट्रिय सभा सदस्य सुरेशकुमार आलेमगरले काँग्रेस-एमाले गठबन्धन लामो समयसम्म रहनेमा आशंका व्यक्त गरेका छन् ।
सरकारमै रहेका मन्त्रीहरुले एमालेसँगको गठबन्धन खुकुरीको धारमा हिँडेजस्तै भएको भन्ने अभिव्यक्ति दिइरहेको उल्लेख गर्दै धेरै समय वर्तमान गठबन्धन टिक्न नसक्ने दाबी गरेका हुन्। मंगलवारको राष्ट्रिय सभा बैठकमा बोल्दै उहाँले यतिबेला बनेको गठबन्धनको दीर्घायुको कामना माओवादीले गर्ने बताए ।
उनले माओवादी केन्द्र सत्ताबाट बाहिरिनुपर्दा बिलौना नगरेको बताए । उनले गठबन्धन फेरिने र सरकार बदलिने कुरा नौलो कुरा नरहेको बताए ।
उनले भने, “हामी पनि यो सरकारको दीर्घायुकै कामना गरौँला । तर केका लागि बनेको भन्नेकुरा दिनको घाम जत्तिकै छर्लङ्ग भइसकेको छ । एक जना मन्त्रीले भन्नुभयो, एमालेसँगको गठबन्धन खुकरीको धारमा हिँड्नु जस्तै भएको छ । यस्तै हो भने धेरै लामो जाला जस्तो म त देख्दिनँ,” उनले भने । उनले वर्तमान गठबन्धन केका लागि बनेको भन्नेकुरा घाम जत्तिकै छर्लङ्ग भएको बताए ।
