च्यासलमा आज सुवासचन्द्र नेम्वाङको स्मृतिसभा

काठमाडौं । नेकपा एमालेले तत्कालीन उपाध्यक्ष सुवासचन्द्र नेम्वाङको प्रथम स्मृति दिवसमा स्मृति सभा गर्ने भएको छ ।

बुधबार दिउँसो पार्टी केन्द्रीय कार्यालय च्यासलमा स्मृति सभा गर्ने भएको हो । स्मृतिसभालाई पार्टीका अध्यक्ष एवं प्रधानमन्त्री केपी शर्मा ओलीले सम्बोधन गर्नेछन् । स्मृतिसभामा पार्टीका अन्य वरिष्ठ नेता पनि सहभागी हुने सचिवालयले जनाएको छ ।

नेम्वाङ २०४८ र २०५१ सालमा राष्ट्रियसभा सदस्य तथा २०५६, २०७४ र २०७९ सालको संसदीय निर्वाचन तथा २०६४ र २०७० सालमा भएका संविधानसभा निर्वाचनमा इलामबाट विजयी भएका थिए । नेम्वाङको गत वर्ष भदौ २६ गते हृद्यघातका कारण मृत्यु भएको थियो ।