तनहुँमा बोलेरोको ठक्करबाट बालिकाको मृत्यु

तनहुँ । तनहुँको व्यास नगरपालिमा बोलेरोको ठककरबाट २ वर्षिया बालिकाको मृत्यु भएको छ । व्यास नगरपालिका –७ कलेस्ती बजारमा बुधबार बेलुका बोलेरोको ठक्करबाट दुई वर्षीया बालिकाको मृत्यु भएको हो।

धादिङको गजुरी नगरपालिका–३ घर भई हाल व्यास–७ कलेस्ती बस्दै आएकी शान्ता श्रेष्ठकी २ बर्षीया छोरी दिप्सा श्रेष्ठको बोलेको ठक्करबाट मृत्यु भएको जिल्ला प्रहरी कार्यालय तनहुँले जनाएको छ।

जिपको ठक्करबाट घाइते बालिकाको दमौलीस्थित रत्नहरि अस्पतालमा उपचारका क्रममा मृत्यु भएको हो। बालिकाको मृत्यु भएपछि जिप चालकलाई कारवाहीका लागि अनुसन्धान थालिएको जिल्ला प्रहरी कार्यालय तनहुँले जनाएको छ ।