पहिरोले कर्णाली राजमार्ग अवरुद्ध
प्रकाशित मिति : 12 September, 2024 8:47 am
कर्णाली । बुधबार रातिदेखि परेको अविरल वर्षाका कारण कर्णाली राजमार्ग अवरुद्ध भएको छ । कालीकोटको शुभकालिका– १ को गगनेखोलामा आएको पहिरोका कारण सडक पूर्ण रूपमा अवरुद्ध भएको हो ।
सडक डिभिजन कार्यालय जुम्लाका अनुसार सडक खुलाउने प्रयास भइरहे पनि निरन्तर वर्षाका कारण समस्या भइरहेको छ । सडक अबरुद्ध भएसँगै सयौँ यात्रुहरू अलपत्र परेका छन् ।
सडक डिभिजन कार्यालयले सडकको अवस्था बुझेर मात्र यात्रा गर्न अनुरोध गरेको छ। लगातार भारी वर्षा भइरहेकाले पहिरो पन्छाउन समस्या भएको प्रहरीले जनाएको छ।
