वरिष्ठ पत्रकार सुदर्शनराज पाण्डेको निधन
प्रकाशित मिति : 13 September, 2024 7:55 am
काठमाडौँ । वरिष्ठ पत्रकार सुदर्शनराज पाण्डेको निधन भएको छ ।
मस्तिष्कघात भएका उनलाई थप उपचारका लागि भदौ १३ मा काठमाडौँ ल्याइएको थियो । उनको उपचारकाक्रममा बिहिबार शिक्षण अस्पताल महाराजगञ्जमा निधन भएको हो ।
वीरगञ्जलाई कार्यक्षेत्र बनाएर चार दशकदेखि पत्रकारिता गर्दै आएका वरिष्ठ पत्रकार सुदर्शनराज पाण्डेको ६६ बर्षको उमेरमा निधन भएको हो । उनी यसअघि नेपाल पत्रकार महासंघ पर्सा शाखाको पूर्वसचिवसमेत भएका थिए ।
