बागलुङ जीप दुर्घटनामा मृत्यु भएका तीनै जनाको शव संकलन

काठमाडौं । बागलुङको गल्कोटमा भएका दुर्घटनामा मृतक तीन जनाकै शव संकलन गरिएको छ । गल्कोट नगरपालिका–२ भुङ्खानीमा शुक्रबार जीप दुर्घटना हुँदा तीन जनाको मृत्यु भएको थियो भने एक जना घाइते भएका थिए ।

प्रहरीका अनुसार पुथा उत्तरगंगा गाउँपालिका उपाध्यक्ष भुपेन्द्रा बुढासहित तिन जनाको शव संकलन भइसकेको छ । मृतकमध्ये दुई जनाको अझै सनाखत हुन सकेको छैन ।

काठमाडौं देखि रुकुम पूर्व जाँदै गरेको रा १ झ २०० नम्बरको सरकारी गाडी बागलुङमा दुर्घटनामा परेको थियो।

जिपमा सवार ४ जनामध्ये तीन जनाको निधन भएको र एक जनाको उपचारका लागि धवलागिरी अस्पताल पठाइएको प्रहरीले जनाएको छ।