पहिरोले भीमदत्त राजमार्ग अवरुद्ध
प्रकाशित मिति : 26 September, 2024 10:43 am
धनगढी । पहिरोले भीमदत्त राजमार्ग अवरुद्ध भएको छ । भीमदत्त राजमार्गअन्तर्गत डोटीको घोरडी र गोगनपानीमा पहिरो खसेपछि राजमार्ग अवरुद्ध भएको प्रदेश ट्राफिक प्रहरी कार्यालय अत्तरियाले जनाएको छ ।
राजमार्ग अवरुद्ध भएपछि सयौँ यात्रु अलपत्र परेका छन् । बुधबार रातिदेखि नै राजमार्ग अवरुद्ध भएपछि सो राजमार्ग भएर चल्ने सवारी साधन बाटोमै रोकिएका छन् ।
जिल्ला प्रहरी कार्यालय डोटीले दुई ठाउँमा पहिरो खसेको र पन्छाउने कार्य जारी रहेको जनाएको छ ।
