अविरल वर्षाले हवाई उडान प्रभावित, आइतबारसम्म वर्षा जारी रहने अनुमान
प्रकाशित मिति : 27 September, 2024 10:44 am
काठमाडौँ । शुक्रबार बिहानैदेखि भारी वर्षा भएका कारण भिजिविलिटी कम हुँदा देशका विभिन्न स्थानबाट हुने उडान तथा अवतरण प्रभावित भएका छन् ।
काठमाडौँदेखि सुर्खेत, पोखरा, भरतपुर, भद्रपुर, तुम्लिङटार लगायत विमानस्थलबाट हुने उडान, अवतरण प्रभावित भएको त्रिभुवन अन्तर्राष्ट्रिय विमानस्थलले जनाएको छ ।
धनगढी, नेपालगन्ज, भैरहवा, सिमरा र जनकपुरका उडान भने भइरहेका छन्।
खराव मौसम तथा कम भिजिविलिटीका कारण शुक्रबारका उडानहरु प्रभावित भएको बुद्ध एअरले जानकारी दिएको छ । बुद्ध एयरका सूचना अधिकारी दीपेन्द्र कर्णका अनुसार बुद्ध एयरका उडानहरु बिहानैदेखि प्रभावित भएका छन्।
