डडेल्धुरामा बस दुर्घटना, चारको मृत्यु, १२ घाइते

देउखुरी। महेन्द्रनगरबाट बैतडीको पुर्चौंडी जाँदै गरेको रात्रिबस डडेल्धुरामा दुर्घटना भएको छ। दुर्घटनामा परी चार जनाको मृत्यु र १२ जना घाइते भएका छन्।

गत राति डडेल्धुराको अमरगढी नगरपालिका–७ खस्रेखानमा दुर्घटना भएको जिल्ला प्रहरी कार्यालयले जनाएको छ । चालक निदाएका कारण दुर्घटना भएको हुन सक्ने प्रारम्भीक अनुमान रहेको थप अनुसन्धान भइरहेको प्रहरीले जनाएको छ।

दुर्घटनामा परी मृत्यु हुनेमा दुई महिला, एक पुरुष र एक शिशु रहेको प्रहरीले जनाएको छ ।

दुर्घटनामा गम्भीर घाइते भएका बसचालक वीरेन्द्र बोहरालाई धनगढी उपचारका लागि पठाइएको र अन्य घाइतेको डडेल्धुरा अस्पतालमा उपचार भइरहेको जनाइएको छ।