टी-२० आई सिरिजकाे पहिलाे खेलमा अमेरिकालाई पराजित गर्दै नेपालकाे विजयी सुरूवात
काठमाडौं । अमेरिका भ्रमणमा रहेको नेपाली क्रिकेट टोलीले अमेरिकाविरुद्धको टी-२० आई सिरिजमा विजयी सुरुवात गरेको छ ।
शुक्रबार बिहान अमेरिकाको डालसस्थित ग्राण्ड प्रेरीमा भएको पहिलो ट्वान्टी-२० अन्तर्राष्ट्रिय खेलमा घरेलु टोली अमेरिकालाई १७ रनले पराजित गर्दै नेपालले विजयी सुरूवात गरेको हो ।
नेपालले दिएको १६५ रनको लक्ष्य पछ्याएको अमेरिका ७ विकेट गुमाएर १४७ रनमै समेटियो । अमेरिकाका शायन जहानगिरले ६० रनको योगदान दिए पनि जितका लागि प्रयाप्त भएन ।
नेपालको जितमा दीपेन्द्रसिंह ऐरीले तीन, करण केसी, रिजन ढकाल र गुल्शन झाले समान एकरएक विकेट लिए ।
त्यसअघि पहिले ब्याटिङ गरेको नेपालले ९ विकेटको क्षतिमा १६४ रनको योगफल तयार पारेको थियो । नेपालका कप्तान रोहित पौडेलले १ छक्का र चार चौकाको मद्दतमा सर्वाधिक ४९ रनको योगदान गरे ।
नेपालका दीपेन्द्रसिंह ऐरीले २८, ओपनर अनिल शाह र आसिफ शेखले समान २७/२७ रन जोडे ।
अब नेपालले सिरिजको दोस्रो खेल आइतबार बिहान र तेस्रो सोमबार बिहान खेल्नेछ ।
