सुनको भाउ फेरि ऐतिहासिक उचाइमा, प्रतितोला कति पुग्यो ?
प्रकाशित मिति : 27 October, 2024 11:44 am
काठमाडौँ । नेपाली बजारमा आइतबार सुनको मूल्यमा फेरि नयाँ कीर्तिमान कायम भएको छ । नेपाल सुनचाँदी व्यवसायी महासंघका अनुसार शुक्रबारकाे तुलनामा आइतबार छापावाल सुनको मूल्य तोलामा १४ सय रुपैयाँले बढेको छ ।
शुक्रबार प्रतितोला एक लाख ६६ हजारमा कारोबार भएको छापावाला सुन आजका लागि भने एक लाख ६७ हजार ४ सय निर्धारण भएको छ ।
यस्तै, चाँदीको मूल्यमा पनि बढेको छ । शुक्रबारको भन्दा १५ रूपैयाँ बढेको चाँदी २ हजार ८५ रूपैयाँमा कारोबार भइरहेको छ ।
