परराष्ट्रसचिव लम्साल बेल्जियमका लागि राजदूत अनुमोदन
प्रकाशित मिति : 30 October, 2024 12:06 pm
काठमाडौँ । बेल्जियमका लागि राजदूतमा सिफारिस परराष्ट्र सचिव सेवा लम्साललाई संसदीय सुनुवाइ समितिले अनुमोदन गरेको छ।
बुधबार बिहान परराष्ट्र सचिव लम्साललाई संसदीय सुनुवाइ समितिले अनुमोदन गरेको हो। गत भदौ महिनामा बसेको मन्त्रिपरिषद् बैठकले लम्साललाई बेल्जियमका लागि राजदूत सिफारिस गरेको थियो।
लम्साल २०८० मंसिर २८ गते परराष्ट्र सचिवमा बढुवा भएकी थिइन्। उनी पहिलो महिला परराष्ट्र सचिव हुन्। उनको कार्यकाल केही महिना बाँकी थियो।
