थाई एसियाले गौतमबुद्ध विमान स्थलबाट नियमित उडान गर्ने

काठमाडौँ । थाई एसिया एअरलाइन्सले गौतमबुद्ध विमान स्थलमा नियमित उडान गर्ने भएकाे छ । आगामी कार्तिक२३ गतेदेखि सातामा दुईपटक नियमित उडान गर्ने तालिका बनाएको एअरलाइन्सले जनाएकाे छ।

भैरहवाबाट बैंककतर्फ एकतर्फि सुरुआती भाडादर १२ हजार रुपैयाँ रहेको एअरलाइन्सले जनाइएको छ। आज पहिलोपटक बैङ्कक-भैरहवा- बैंकक उडान परिक्षण गरिएको छ। आइतबार बिहान ६ः ५५ बजे थाई एसियाको विमान भैरहवास्थित गौतमबुद्ध अन्तर्राष्ट्रिय विमानस्थलमा अवतरण गरेको थियाे।

परिक्षण उडानका रूपमा चालक दलका सदस्यसहित थाई एसियाको एयरबस ए ३२० गौतमबुद्ध अन्तर्राष्ट्रिय विमानस्थमा अवतरण गरेको गौतमबुद्ध विमानस्थलले जनाएको छ।

परिक्षण उडान गरेको थाई एसियाको सो विमानलाई विमानस्थलका कर्मचारीसहित सुरक्षाकर्मी, अध्यागमनका कर्मचारी र पर्यटन व्यवसायीले स्वागत गरेका थिए।