माैसम अपडेट : देशका केही ठाउँमा हल्का वर्षाको सम्भावना
काठमाडाैँ । आज देशका केही ठाउँमा हल्का वर्षा र हिमपातकाे सम्भावना रहेकाे जल तथा मौसम पूर्वानुमान महाशाखाले जनाएकाे छ । महाशाखाका अनुसार कोशी, मधेस, बागमती, गण्डकी र लुम्बिनी प्रदेशका पहाडी क्षेत्रमा मौसम आंशिकदेखि साधारणतया बदली रहने छ ।
अन्य बाँकी भागमा आंशिक बदलीदेखि मौसम मुख्यतया सफा रहनेछ महाशाखाले जनाएकाे छ। कतै –कतै हल्का वर्षाको सम्भावना छ ।
देशका उच्च पहाडी तथा हिमाली थोरै ठाउँमा हल्का हिमपातको सम्भावना रहेको महाशाखाले जनाएको छ । हिजो बागमती र कोशी प्रदेशका केही पहाडी क्षेत्रमा हल्का वर्षा भएको थियो । भोलिदेखि मौसममा क्रमिकरुपमा सुधार हुँदै जाने मौसमविद्ले बताएका छन् ।
यसैबीच देशैभर चिसो बढ्न थालेको छ । यसैहप्तादेखि चिसो थप बढ्ने मौसमविद्ले बताएका छन् । नोभेम्बर ९ तारिखपछि तीन डिग्री सेल्सियससम्म तापक्रम घटेर चिसो बढ्न सक्ने बताइएकाे छ ।
