मदिरा र सुर्तीमा कर बढाएर स्वास्थ्य क्षेत्रमा लगानी केन्द्रित गर्न शिक्षा तथा स्वास्थ्य समितिको सुझाव

प्रतिनिधिसभाको शिक्षा तथा स्वास्थ्य समितिले कोभिड–१९ रोकथाम तथा नियन्त्रणका लागि केन्द्रित गरेर आगामी आर्थिक वर्षको बजेट विनियोजन गर्न स्वास्थ्य तथा जनसङ्ख्या मन्त्रालयलाई सुझाव दिएको छ ।

समितिको आजको बैठकले मदिरा तथा सुर्तीजन्य पदार्थमा कर बढाउन र बढाएको करबाट उठ्ने राजश्व स्वास्थ्य क्षेत्रमा केन्द्रित गरी लगानी गर्न सरकारलाई सुझाव दिएको सभापति जयपुरी घर्तीले जानकारी दिईन् ।

बैठकले समितिको वार्षिक प्रतिवेदन पारित समेत गरेको छ । समितिले मदन भण्डारी विश्वविद्यालय विधेयक, केही शिक्षासम्बन्धी संशोधन गर्न बनेको विधेयकलगायत चार विधेयक पारित गरेको हो । समितिको वार्षिक प्रतिवेदन केही दिनपछि सदनमा प्रस्तुत हुने छ ।