झाँक्री प्रकाश भुजेलले चलाएका गाडीको ठक्करबाट घाइते भएका पुरुषको मृत्यु
काठमाडौँ । झाँक्री प्रकाश भुजेलले चलाएको गाडीको ठक्करबाट घाइते भएका मोटरसाइकल चालकको मृत्यु भएको छ।
बुधबार दिउँसो शंखरापुर नगरपालिका ९ स्थित साँखु-थली सडकखण्डमा झाँक्री प्रकाश भुजेलले चलाएको कारले ठक्करदिँदा मोटरसाइकलमा सवार २ जना गम्भीर घाइते भएका थिए।
घाइतेमध्य काठमाडौँ कागेश्वरी मनोहरा नगरपालिका २ आलापोटका अन्दाजी ३८ वर्षीय नारायण नगरकोटीको उपचारका क्रममा ग्राण्डी अस्पतालमा मृत्यु भएको प्रहरीले जानकारी दिएको छ।
मोटर साइकल पछाडि बसेकी नगरकोटीकी श्रीमती ३२ वर्षिय सानुमाया नगरकोटी गम्भीर घाइते भएकी छिन् । उनको काठमाडौँको ग्रान्डी अस्पतालमा उपचार भइरहेको छ ।
बुधबार दिउँसो थलीबाट साँखुतर्फ आउँदै गरेको प्रकाश भुजेलले चलाएको बा १९ च २६९५नम्बरको कारले सोही दिशातर्फ आउँदै बा प्र ०२–०१८ प ६८७५ नं को मोटरसाइकललाई ठक्कर दिएको थियो।
दुर्घटनापछि झाँक्री भुजेल गाडी घटनास्थलमै छाडेर फरार भएका थिए। उनलाई प्रहरीले प्रकाउ गरिसकेको काठमाडौँ प्रहरी प्रवक्ता एसपी नवराज अधिकारीले जानकारी दिए ।
