सभामुख घिमिरेले भनेः खेलबाट राष्ट्रको विकास गर्नुपर्छ

काठमाडाैँ ।सभामुख देवराज घिमिरेले खेलबाट राष्ट्रको विकास गर्नेगरी अघि बढ्नुपर्ने बताएका छन् ।

शनिवार ललितपुरमा आयोजित झापा निर्वाचन क्षेत्र नम्बर एकले आयोजना गरेको झापा १ काठमाडौं कप फुटसल प्रतियोगिताको उद्घाटन गर्दै उनले खेलको क्षेत्रमा नेपाल क्रमशः अघि बढ्दै आइरहेको बताएका हुन् । उनले खेललाई राज्यले दिनुपर्ने जति महत्व दिन नसकेको गुनासो समेत गरे । उनले खेलकुदमा हरेक ठाउँबाट सक्रियता लिने हो भने खेलकुद क्षेत्रमा धेरै अवसरहरु रहेको बताए ।

राष्ट्रमा आवश्यक पर्ने नीतिदेखि व्यवहारहरुलाई सुधार गर्दै खेलकुदको क्षेत्रमा गर्नुपर्ने प्रगति सबै मिलेर मात्रै सम्भव रहेको बताए । नेपालले केही समय यता खेलकुदमा प्रगति गर्दै आइरहेको र अझ बढी क्रिकेटमा नेपालले प्रगति हाँसिल गरिरहेको बताए ।