मोटरसाइकल आपसमा ठोक्किदा दाङमा एक जनाकाे मृत्यु

दाङ । बिपरीत दिशाबाट आइरहेका मोटरसाइकल एकापसमा ठोक्किदा दाङमा एक जनाकाे मृत्यु भएकाे ५ । जिल्लकाे गढवा गाउँपालिका वडानम्वर ३ धइरेनीमा भएकाे दुर्घटनामा परी लमही नगरपालिका-३ मजगाउँका ५० वर्षिय राजबहादुर चौधरीकाे मृत्यु भएकाे इलाका प्रहरी कार्यालय गढवाले जानकारी दिएकाे छ ।

दुर्घटनामा परी राप्ती गाउँपालिका-४ मौरीघाट निवासी वर्ष ३६ का बाबुराम चौधरी घाइते भएको इलाका प्रहरी कार्यालय प्रमुख प्रहरी निरीक्षक कालिका कार्कीले जानकारी दिइन् ।

उनका अनुसार दुर्घटनाबाट गम्भीर घाइते भएका राजबहादुरको लमही अस्पतालमा उपचारका क्रममा मृत्यु भएको र अर्का घाइतेलाई थप उपचारका लागि बुटवल पठाइएको छ ।

गए राती गढवा गाउँपालिका-३ धैरेनीमा रा६प १७६२ नम्बरको मोटरसाइकल र लु६६प ३८१५ नम्बरको मोटरसाइकल एकापसमा ठोक्किएर दुर्घटना भएको प्रहरीले जनाएको छ ।