काठमाडौँमा जुवातास खेल्दै गरेका ९ जना नियन्त्रणमा
काठमाडाैँ । काठमाडाैँकाे टोखा नगरपालिका वडा नम्बर १० स्थित गोंगबु गणेशस्थानमा रहेको एक घरमा जुवा तास खेलिरहेको अवस्थामा ९ जनालाई प्रहरीले नियन्त्रणमा लिएको छ।
गत मंसिर २४ गते साँझ ५ः३० बजे प्राप्त गोप्य सूचनाका आधारमा प्रहरी वृत्त महाराजगञ्जबाट खटिएको टोलीले मिहिर श्रेष्ठको घरको दोस्रो तलामा छापा मारेर उनीहरूलाई पक्राउ गरेको हो।
प्रहरीले घटनास्थलबाट नेपाली रुपैयाँ ५०,०००, ७०० अमेरिकी डलर र ४ बुक तास बरामद गरेको छ। पक्राउ परेका व्यक्तिहरूमा गोरखा, लमजुङ, काभ्रे, र म्याग्दीका साथै टोखा र तारकेश्वरका स्थानीय बासिन्दा रहेका छन्।
पक्राउ परेकाहरूमा खड्ग बहादुर अधिकारी, धन बहादुर लामा, किशोर ढकाल, चन्द्र भण्डारी, कृष्ण सुनार, कुसुम गुरुङ, अनु मानन्धर, कृष्ण न्यौपाने, र तिल कुमारी बुढामगर छन्। हाल उनीहरूलाई थप अनुसन्धानका लागि प्रहरी वृत्त महाराजगञ्जमा राखिएको छ।
