जिप दुर्घटना हुँदा जाजरकोटमा पाँच जनाको मृत्यु
प्रकाशित मिति : 12 December, 2024 8:08 am
दाङ । जिप दुर्घटना हुँदा जाजरकोटमा पाँच जनाकाे मृत्यु भएकाे छ । जिल्लाकाे नलगाड नगरपालिका–५ कालिमाटीबाट वडा नम्बर–३ कटकेतर्फ गइरहेको ग३च ९४४५ नम्बरको बोलेरो जिप दुर्घटना हुँदा पाँच जनाको मृत्यु भएको जिल्ला प्रहरी कार्यालय जाजरकाेटले जानकारी दिएकाे छ ।
गय राति भएकाे दुर्घटनामा परि नलगाड नगरपालिका–३ का ३२ वर्षिय चालक इन्द्रजित थापा, ६५ वर्षिया शिला पुन, ३३ वर्षिया शारदा थापा, १८ वर्षिया लक्ष्मी पुन रोका र निजका छोरा आलोचन रोकाको मृत्यु भएको जिल्ला प्रहरी कार्यालयका प्रहरी निरीक्षक अर्जुन तिमिल्सिनाले बताए ।
