पुस २ गतेसम्म मुग्लिन–पोखरा सडक अवरुद्ध
प्रकाशित मिति : 13 December, 2024 12:39 pm
काठमाडौं । मुग्लिन–पोखरा सडकअन्तर्गत कोत्रे खण्ड आजदेखि पुस २ गतेसम्म अवरुद्ध हुने भएको छ ।
शुक्लागण्डकी नगरपालिका–२ कोत्रे खण्डमा जामुने बजारदेखि कास्कीको सेतीपुलसम्मको सडक स्तरोन्नति थालिएकाले पाँच दिन सडक अवरुद्ध हुने जिल्ला प्रहरी कार्यालय तनहुँले जनाएको छ ।
आजदेखि पुस २ गतेसम्म बिहान ८ः०० देखि सॉझ ६ः०० बजेसम्म सवारी आवागमन बन्द हुने तनहुँ जिल्ला प्रहरी कार्यालयले जनाएको छ ।
साथै उक्त कार्यालयले वैकल्पिक बाटो प्रयोग गर्न यातायात व्यवसायी एवं यात्रीलाई अनुरोध गरेको छ ।
