दाङमा बस दुर्घटना हुँदा २ जनाको मृत्यु १२ जना घाइते

दाङ । दाङमा गाडी दुर्घटनामा दुई जनाको मृत्यु भएको छ भने १२ जना घाइते भएका छन् । पूर्वपश्चिम राजमार्गअन्तर्गत लमही नगरपालिका–९ च्याउखोला बक्सकटिङ नजिकै आज बिहान लु१ज ४२९८ नम्बरको विङ्गर गाडी दुर्घटना भएको जिल्ला प्रहरी कार्यालय दाङले जनाएको छ।

मृत्यु हुनुेमा सिवराज नगरपालिका–३ का ४२ वर्षीया प्रिथी थारु र सोही ठाउँका ६० वर्षीया फुलसी थारु रहेको जिल्ला प्रहरी कार्यालयका प्रवक्ता एवं प्रहरी नायब उपरीक्षक ईश्वर थापाले जानकारी दिए।

कपिलवस्तुको चद्रौटाबाट १४ जना यात्रु बोकेर बर्दियातर्फ जाँदै गरेको गाडी आज बिहान दुर्घटनामा परेको थियो। प्रहरी नायब उपरीक्षक थापाका अनुसार दुर्घटनामा घाइतेको लमही अस्पतालमा उपचार भइरहेको छ।

तीव्र गतिका कारण बस दुर्घटना भएको अनुमान गरिएपछि अनुसन्धान भइरहेको प्रहरीले जनाएको छ ।