शार्क ट्याङ्क नेपालका ५ शार्क को को हुन् ?

काठमाडौँ । व्यवसाय र लगानीको विश्वव्यापी रियालिटी शो ‘शार्क ट्याङ्क नेपाल’का ५ शार्क सार्वजनिक भएका छन्। शार्क ट्याङ्क नेपालमा देशका ५ जना प्रमुख उद्योगी व्यवसायी शार्कको रूपमा सामेल भएका छन्। जसमा हेमराज ढकाल, आनन्द बगरिया, ऋतु सिंह वैद्य, सौरभ ज्योति र क्याबिनेट श्रेष्ठ रहेका छन् ।

यस सिजनमा कुल ६०० मिलियन डलरको लगानी हुने आयोजकले जानकारी दिएका छन्। सोनी पिक्चर्सको ग्लोबल फ्र्यान्चाइज ‘शार्क ट्याङ्क’ अब ५४ देशमा प्रसारण भइसकेको छ, र नेपाल ५४ औं देशको रूपमा यस शोको हिस्सा बनेको छ।

नेपालमा तीन वर्ष अघि नै शोको तयारी सुरू गरिएको थियो, तर कोभिड-१९ र त्यसको पश्चातको अर्थतन्त्रको अस्थिरताका कारण शोको प्रसारण ढिला भएको हो।

‘शार्क ट्याङ्क नेपाल’ले देशका नवप्रवर्तनशील व्यवसाय र स्टार्टअपलाई थप प्रोत्साहन र लगानीको अवसर प्रदान गर्ने आशा गरिएको छ।