नेपाली गीत संगितहरू गुणस्तरीय बन्दै गइरहेका छन्ः मन्त्री पाण्डे

काठमाडाैँ । संस्कृति, पर्यटन तथा नागरिक उड्डयनमन्त्री बद्रिप्रसाद पाण्डेले नेपाली गीत, संगितहरु गुणस्तरीय बन्दै गइरहेका बताएका छन् ।

सोमवार सुदूरपश्चिम कलाकार समाजले पुस पन्ध्रको अवसरमा काठमाडौँ आयोजना गरेको कार्यक्रममा बोल्दै मन्त्री पाण्डेले नेपाली गीतहरु गुणस्तरीय बन्दै गएका कारण विदेशी गीतहरू विस्थापित हुँदै गइरहेका उल्लेख गरेका हुन् । उनले सबै समुदायको भाषाको विकास गर्दै लैजानुपर्नेमा जोड दिए ।

उनले सुदूरपश्चिमको भाषा राष्ट्रियकरण हुँदै गएको समेत बताए । भाषा, साहित्य, संस्कृति र भेषभुषाको विकासमा कलाकारहरुको महत्वपूर्ण भुमिका हुने उनको भनाइ छ । कार्यक्रममा सुदूपश्चिमका स्थानीय कलाकारदेखि राष्ट्रिय कलाकारहरुले प्रस्तुति दिएको थिए ।