प्रेस सेन्टर घोराहीको अध्यक्षमा हेमराज
दाङ । नेपाल कम्युनिस्ट पार्टी (माओवादी केन्द्र) निकट प्रेस सेन्टर नेपाल घोराही नगरको दोस्रो अधिवेशन सम्पन्न भएको छ । संगठनको आयोजनामा मंगलबार नेपाल पत्रकार महासंघ दाङ शाखाको सभाहलमा अधिवेशन सम्पन्न भएको हो ।
अधिवेशनले हेमराज नेपालीको अध्यक्षतामा १४ सदस्यीय कार्यसमिति चयन गरेको छ । जसको उपाध्यक्षमा विष्णु गोराथोकी र वर्षा मगर, सचिवमा सुविनराज शेर्पाइली, सह- सचिवमा रमन शर्मा र अमृता डाँगी र कोषाध्यक्षमा भ्यूमान पुन चयन भएका छन् ।
त्यस्तै सदस्यहरुमा असीमा घर्तिमगर, बलजीत दमाई, मनोज मगर, हिरा केसी, रामकुमार दाहाल, प्रज्वल खड्का, नवीन गौतम चयन भएका हुन् ।
संगठनका कार्यवहाक अध्यक्ष हेमराज नेपालीको अध्यक्षता एवं प्रेस सेन्टर नेपालका केन्द्रीय उपाध्यक्ष अजयदीप शर्माको प्रमुख आतिथ्यमा भएको कार्यक्रममा नेकपा माओवादी केन्द्रका केन्द्रीय सदस्य हेमराज शर्मा डायमण्ड, प्रेस सेन्टर नेपाल नीति तथा परामर्श समितिका सदस्य उदय जिएम, नेपाल पत्रकार महासंघ केन्द्रीय सचिव सविन प्रियासन, नेपाल पत्रकार महासंघ दाङका अध्यक्ष सन्तोष सुवेदी, माओवादी केन्द्र घोराही नगरका अध्यक्ष अटल चौधरी, प्रेस सेन्टर नेपाल दाङका संस्थापक अध्यक्ष पुरन शर्मा, प्रेस सेन्टर नेपाल लुम्बिनी प्रदेशका महासचिव भुपेन्द्र वली, प्रेस चौतारी नेपाल दाङका पूर्व अध्यक्ष जेएन सागर, प्रेस सेन्टर नेपाल दाङकी अध्यक्ष अनिता पोख्रेल, जनपत्रकार संगठन नेपाल दाङका उपाध्यक्ष जंग रेउलेलगायतले शुभकामना मन्तव्य राखेका थिए ।
