प्रेस सेन्टर दाङको अध्यक्षमा जनक नेपाली निर्वाचित

दाङ । प्रेस सेन्टर नेपाल दाङ शाखाको पाँचौँ अधिवेशनले जनक नेपालीको अध्यक्षतामा नयाँ जिल्ला कार्यसमिति चयन गरेको छ। अधिवेशनले नेपालीकाे अध्यक्षतामा १७ सदस्यीय नयाँ कार्यसमिति गठन गरेको हो ।

कार्यसमितिको उपाध्यक्षमा जीवन नेपाली र पुष्पा पौडेल, सचिवमा दीपक बोहरा, सहसचिवमा गिरिराज नेपाली र सन्तोष डाँगी र कोषाध्यक्षमा दीपक वली चयन भएका छन्।

सदस्यहरूमा वीरेन्द्र वली, लालसुर बिष्ट, सृजना विश्वकर्मा, मधुसूदन गिरी, तुलबहादुर कवँर मगर, आलोक भावुक, शान्तकुमार बुढा, टेकराज भण्डारी, नोखीराम बिक र अन्जना विश्वकर्मा रहेका छन्।

नवनिर्वाचित अध्यक्ष जनक नेपालीले आगामी कार्यकालमा पत्रकारहरूको हकहित, क्षमता अभिवृद्धि र समाजप्रतिको जिम्मेवारीलाई मुख्य प्राथमिकतामा राखेर काम गर्ने बताए।