सुनछहरी गाउँपालिकाकाे धुङ्सीमा जिप दुर्घटना हुँदा एकजनाको मृत्यु

दाङ । यात्रुवाहक जिप दुर्घटना हुँदा रोल्पाकाे सुनछहरीमा एकजनाको मृत्यु भएको छ ।

सुलिचाैरबाट सुनछहरी गाउँपालिका वडानम्वर ६ धुङ्सीतर्फ जाँदै गरेकाे लु१ज ४८९८९ नम्वरकाे यात्रुवाहक जिप गयराति धुङ्सीमा दुर्घटना हुँदा एक जनाकाे मृत्यु भएकाे छ, तीन जना घाइते भएका छन् ।

दुर्घटनामा हुँदा धुङ्सीकी ५७ वर्षिया गौना रोकाको मृत्यु भएको वडाध्यक्ष अमरजीत पुनले जानकारी दिए । उनका अनुसार दुर्घटनामा परी घाइते तीन जनामध्ये दुई जना सुलिचौरमा प्राथमिक उपचार गरी घर फर्किएका छन्, भने धुङ्सीका ३५ वर्षिय तिलबहादुर घर्तीको लुम्बिनी सिटी हस्पिटल बुटवलमा उपचार भइरहेको छ ।