स्याङ्जामा रूखबाट लडेर एक जनाको मृत्यु

स्याङ्जा । स्याङ्जाको गल्याङ नगरपालिका वडा नम्बर २ स्थित घ्याङ्सिङडाँडामा ६१ वर्षीया पोविसरा थापाको रूखबाट लडेर मृत्यु भएको छ।

जिल्ला प्रहरी कार्यालय स्याङ्जाका सूचना अधिकारी उमेशलाल श्रेष्ठका अनुसार हिजो ३ गते दिउँसो करिब १२ः०० बजेको समयमा घ्याङ्सिङडाँडामा आफ्नै बारीको गिधरीको रूखमा घाँस काट्ने क्रममा थापा अचानक रूखबाट लडेर गम्भीर घाइते भएकी थिइन्।

घटनापछि तत्कालै उनलाई उपचारका लागि गल्याङ नगर अस्पताल लगिएको थियो। तर, अस्पताल पुगेपछि दिउँसो १ः१० बजे डाक्टरले मृत घोषित गरेका थिए। प्रहरीले घटनाको विषयमा थप अनुसन्धान जारी राखेको जनाएको छ।