वरिष्ठ अधिवक्तामाथि आक्रमणमा संलग्न थप एक जना पक्राउ

काठमाडौँ। वरिष्ठ अधिवक्ता दिनेश कुमार त्रिपाठीमाथि आक्रमणको घटनामा संलग्न रही फरार रहेका थप एक जनालाई प्रहरीले पक्राउ गरेको छ।

२०७८ माघ २ गते काठमाडौँ जिल्ला अदालतको दक्षिण गेटबाहिर त्रिपाठीमाथि आक्रमण भएको थियो। घटनामा संलग्न रहेको आशंकामा झापा बुद्ध शान्ती गाउँपालिका–४ स्थायी ठेगाना भएकी, हाल काठमाडौं महानगरपालिका–३२ शान्तिनगर बस्दै आएकी ५५ वर्षीया शितल राई उर्फ सीता देवी राईलाई माघ ६ गते पक्राउ गरिएको हो।

त्रिपाठीमाथिको आक्रमणपछि फरार रहेकाहरूको खोजतलास गर्ने क्रममा उनलाई पक्राउ गरिएको प्रहरीले जनाएको छ। पक्राउ परेकी राईमाथि हाल प्रहरी वृत्त सिंहदरबारबाट थप अनुसन्धान भइरहेको छ।