स्याङ्जाको चापाकोटमा आगलागी, १ लाख २५ हजारको क्षति

काठमाडाैँ । स्याङ्जाको चापाकोट नगरपालिका वडा नम्बर ८, दामाचौरमा आगलागी हुँदा पराल जलेर नष्ट भएको छ। आज बिहान करिब ८ बजे देबिलाल न्यौपानेको दुई तले जस्ताको छानो भएको गोठमा विद्युतको तार सर्ट हुँदा आगलागी भएको थियो।

आगलागीका कारण गोठमा रहेको करिब १०० भारी पराल जलेर पूर्ण रूपमा नष्ट भएको जिल्ला प्रहरी कार्यालय स्याङ्जाले जनाएको छ। आगो नियन्त्रणमा लिइएको भए पनि कुनै मानवीय तथा चौपायामा क्षति नभएको जानकारी प्राप्त भएको छ।

प्रहरीका अनुसार आगलागीबाट झन्डै १ लाख २५ हजार रुपैयाँबराबरको क्षति भएको अनुमान गरिएको छ।

घटनाबारे थप अनुसन्धान भइरहेको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक हरि प्रसाद पौडेलले जानकारी दिए।