मकवानपुर र काठमाडौं जोड्ने दुई सडक पुनः सञ्चालनमा
प्रकाशित मिति : 21 January, 2025 1:46 pm
काठमाडौं । मकवानपुर र काठमाडौं जोड्ने दुई सडक पुनः सञ्चालनमा आएको छ । सडक स्तरोन्नति तथा मर्मतका लागि यातायात सञ्चालनमा रोक लगाइएको सडक आजदेखि सञ्चालनमा आएको हो ।
थानकोट–चित्लाङ सडक (गणेशमान मार्ग)र मातातीर्थ सडक सञ्चालनमा आएको जिल्ला प्रहरीका प्रहरी नायब उपरीक्षक श्याम अर्यालले जानकारी दिए ।
अर्यालका अनुसार, ती दुबै सडक स्तोन्नतिका लागि गत पौष ७ गते र पौष २२ गतेबाट बन्द गरिएको थियो ।
