स्याङ्जाको पुतलीबजारमा भेटिएको एचई बम सेनाद्वारा डिस्पोज

स्याङ्जा ।स्याङ्जाकाे पुतलीबजार नगरपालिका वडा नम्बर १४, लामागेमा फेला परेको एचई बम नेपाली सेनाले डिस्पोज गरेको छ।

माघ ९ गते बिहान करिब १०ः१५ बजे ७१ वर्षीय विष्णु प्रसाद पौडेलको खेतमा जेसीभी प्रयोग गरी जमिन सम्याउने क्रममा खेतको सतहबाट तार जडित फलामको बोतलजस्तो देखिने शंकास्पद वस्तु फेला परेको थियो।

घटनास्थलमा जिल्ला प्रहरी कार्यालयको टोलीसहित सिंह सारदुल गुल्म आँधिखोला व्यारेक स्याङ्जाबाट नेपाली सेनाको टोली खटिएको थियो। अनुसन्धानपछि उक्त वस्तु टुईचमोटरमा प्रयोग गरिने एचई बम रहेको पुष्टि भएको हो।

नेपाली सेनाको टोलीले आज बिहान ११:५० बजे बमलाई सफलतापूर्वक डिस्पोज गरेको जनाएको छ। बम डिस्पोज गर्ने क्रममा कुनै पनि मानवीय क्षति नभएको जिल्ला प्रहरी कार्यालय स्याङ्जाले जनाएकाे छ ।