बाल यौन दुरुपयोगको आरोपमा एक व्यक्ति पक्राउ
प्रकाशित मिति : 24 January, 2025 11:37 am
काठमाडौँ । स्याङ्जामा बाल यौन दुरुपयोगको आरोपमा एक जना पक्राउ परेका छन् ।
१५ वर्षीया बालिकालाई विद्यालयको कोठामा करणी गर्ने मनसायले बाल यौन दुरुपयोग गरेको आरोपमा ३१ वर्षीय नरेश चौधरीलाई पक्राउ गरेकाे जिल्ला प्रहरी कार्यालय स्याङ्जाले जनाएको छ । घटनाको सम्बन्धमा २०८१ साल पुस २६ गते उजुरी दर्ता भएपछि प्रहरीले अनुसन्धान अघि बढाएको थियो।
नरेश चौधरीलाई माघ १० गते चितवनबाट पक्राउ गरी थप अनुसन्धान जारी राखिएको जिल्ला प्रहरी कार्यालय स्याङ्जाले जनाएको छ।
पीडितले क्षतिपूर्ति र कानुनी कारबाहीको मागसहित उजुरी दर्ता गराएकी थिइन्।
