पाल्पामा उपप्रधानमन्त्रीलाई मुख्यमन्त्रीको स्वागत
प्रकाशित मिति : 24 January, 2025 11:38 am
पाल्पा । लुम्बिनी प्रदेशका मुख्यमन्त्री चेतनारायण आचार्यले उपप्रधानमन्त्री तथा शहरी विकासमन्त्री प्रकाशमान सिंह, उपप्रधानमन्त्री तथा अर्थमन्त्री विष्णुप्रसाद पौडेललाई स्वागत गरेका छन् ।
पाल्पाको बगनासकाली गाउँपालिकामा मुख्यमन्त्री आचार्यले उपप्रधानसहित अन्य मन्त्रीलाई स्वागत गरेका हुन् । बगनासकाली गाउँपालिकाको प्रशासकीय भवन उद्घाटन, सिद्धबाबा सुरुङ्ग मार्गको ब्रेक थ्रुलगायतका कार्यक्रममा सहभागी हुने कार्यक्रम छ ।
प्रधानमन्त्री केपी शर्मा ओली आउने कार्यक्रम तय भए पनि स्वास्थ्यका कारण आउन नसकेका हुन् ।
