माघ १८ र १९ गते एक्स्क्ल्युसिभ लिडरसिप प्रोग्रामसम्बन्धी दुई दिने तालिम
काठमाडाैँ । अनलक योर ट्रु पोटेन्सियल र एक्स्क्ल्युसिभ लिडरसिप प्रोग्रामसम्बन्धी तालिम माघ १८ गतेबाट सञ्चालन हुने भएको छ ।
माघ १८ र १९ गते नेपाल प्रज्ञा प्रतिष्ठान र द सोल्टी होटलमा तालिम सञ्चालन हुने भएको हो । तालिम विश्वस्तरीय प्रशिक्षक, लेखक डा. भूपेन्द्र सिंह राठोरले दिनेछन्। नेपाली उद्यमी, व्यवसायी एवं पेशाकर्मीहरूको नेतृत्व तथा व्यक्तित्व विकास तथा व्यवसायमा सकारात्मक वातावरण निर्माण गर्ने मुल उद्देश्यले तालिम गर्न लागेको ज्ञानपुञ्ज स्कुल अफ लिडरसिपका अध्यक्ष हरिप्रसाद डुम्रेले बताए ।
यसले देशको अर्थतन्त्रमा समेत टेवा पुग्ने उनको विश्वास छ । तालिम उद्यमी, व्यवसायी, बैंक तथा वित्तीय संस्था, बिमा कम्पनी, सहकारी, विद्यालय लगायत अन्य उद्योग व्यवसायका अध्यक्ष, सञ्चालक तथा उच्च पदस्थ अधिकारीहरू सहभागी हुने बताए ।
राठोरले विभिन्न ३ वटा विधामा गिनिज बुक अफ वल्र्ड रेकर्डमा नाम लेखाएका छन् । अर्थतन्त्रमा परेको नकारात्मक असर, व्यवसायलाई विश्वस्तरमा प्रतिष्पर्धी बनाउन नेतृत्वले दिने निर्णय कलाका बारेमा प्रशिक्षण दिइने बताए ।
