स्याङ्जाको पुतलीबजार नगरपालिकाद्धारा किसानहरूलाई १२० वटा हाते ट्रयाक्टर वितरण

काठमाडाैँ ।स्याङ्जाको पुतलीबजार नगरपालिकाले आर्थिक वर्ष २०८१\०८२ को स्वीकृत कार्यक्रम अन्तर्गत ५० प्रतिशत अनुदानमा मिनी टिलर (हाते ट्र्याक्टर) वितरण गरेको छ।

कार्यक्रम अन्तर्गत पुतलीबजार नगरपालिका वडा नम्बर १, २, ६, ७, ८, ९ र १२ का १२० जना किसानलाई १२० वटा मिनी टिलर वितरण गरिएको हाे। नगरपालिकाले बाँकी वडामा अर्को चरणमा वितरण गर्ने जनाएको छ।

नगरपालिकाका अनुसार अनुदानमा मिनी टिलर वितरणले कृषकहरूको उत्पादनशीलता बढाउने तथा आधुनिक कृषि प्रणालीलाई प्रवर्द्धन गर्ने लक्ष्य लिएको छ। नगरपालिकाको आर्थिक विकास समिति संयोजक मनोज पौडेलको अध्यक्षतामा सम्पन्न वितरण कार्यक्रममा नगरप्रमुख तुलसीराम रेग्मी, उपप्रमुख देवी अर्याल, प्रमुख प्रशासकीय अधिकृत धर्मराज ढुंगाना, वडा जनप्रतिनिधिहरू, कृषि शाखाका कर्मचारीहरूको उपस्थिति रहेको थियो।