समाचार प्रभाव : अवैध घडेरी प्लटिङ रोक्न प्रदेश सरकारले कडाइ गर्ने
दाङ । लुम्बिनी प्रदेश सरकारले नमुना राजधानी शहर गुरुयोजना कार्यान्वयनमा अवरोध पुर्याउने गरी थालिएकाे अवैध घडेरी प्लटिङ रोक्न कडा कदम चाल्ने भएको छ ।
लुम्बिनी सञ्चारले हिजाे (बुधबार) “लुम्बिनी राजधानी गुरुयोजनामाथि खुला चुनौती : भूमाफियाको खेलोमा फस्दै नमुना सहर” शीर्षकमा समाचार प्रकाशन गरेपछि घण्टदेव युवा क्लव राप्ती गाउँपालिकामा आवद्ध युवाहरुले मुख्यमन्त्री चेतनारायण आचार्यलाई ज्ञापन पत्र बुझाउँदै अबैध प्लटिङ राेक्न माग गरेका छन् ।
ज्ञापनपत्रमा राजधानी क्षेत्रका विभिन्न स्थानमा भूमाफियाहरूले गैरकानुनी रूपमा कित्ताकाट तथा किनबेच गरिरहेको गुनासो उल्लेख गरिएको छ ।
ज्ञापनपत्रमा राजधानी गुरुयोजना विपरीत भइरहेका अवैध गतिविधिहरू रोक्न तत्काल कारबाहीको माग गरिएको छ ।
मुख्यमन्त्री आचार्यले ज्ञापनपत्र प्रति गम्भीर ध्यान दिँदै कडा अनुसन्धान गर्न तथा अवैध प्लटिङ रोक्न मातहतका निकायलाई निर्देशन दिएका छन् ।
सम्बन्धित समाचार
लुम्बिनी राजधानी गुरुयोजनामाथि खुला चुनौती : भूमाफियाको खेलोमा फस्दै नमुना सहर
