२० चैत्र २०८१, बिहिबार

स्याङ्जामा अवैध हतियारसहित दुई जना पक्राउ

प्रकाशित मिति :  31 March, 2025 1:05 pm


स्याङ्जा । स्याङ्जाको पुतलीबजार नगरपालिका वडा नम्बर ११ जाँडखोला उनियाचौरस्थित माझीडाँडा जंगलमा अवैध हतियारसहित हिडडुल गरिरहेको अवस्थामा प्रहरीले दुई जनालाई पक्राउ गरेको छ।

जिल्ला प्रहरी कार्यालय स्याङ्जाबाट प्रहरी निरीक्षक प्रवेश तिवारीको कमाण्डमा खटिएको टोलीले उनीहरूलाई पक्राउ गरेको हो। पक्राउ पर्नेहरूमा पुतलीबजार नगरपालिका वडा नम्बर १० धिमाटी निवासी ४४ वर्षीय खर्क बहादुर गुरुङ र पुतलीबजार नगरपालिका वडा नम्बर ११ फापरथुम निवासी ४३ वर्षीय सोम बहादुर गुरुङ रहेका छन्।

उनीहरूको साथबाट एक नाले भरुवा बन्दुक र मृत अवस्थामा रहेको पोथी जातको रतुवा मृग बरामद गरिएको प्रहरीले जनाएको छ। पक्राउ परेकाहरूलाई स्थानीय जनप्रतिनिधिको रोहवरमा नियन्त्रणमा लिइएको छ भने मृत मृगको शव परीक्षणका लागि डिभिजन वन कार्यालय स्याङ्जामा पठाइएको सूचना अधिकारी हरि प्रसाद पाैडेलले जानकारी दिए । प्रहरीका अनुसार घटनाबारे थप अनुसन्धान जारी छ।



प्रतिक्रिया दिनुहोस !