जनकपुरधाममा गणतन्त्रको समर्थनमा एमालेको मोटरसाइकल र्याली
प्रकाशित मिति : 31 March, 2025 6:42 pm
काठमाडाैँ ।नेकपा एमालेले जनकपुरधाममा गणतन्त्रको समर्थनमा मोटरसाइकल र्याली गरेको छ । पार्टीको प्रदेश कार्यालयबाट सुरू गरिएको र्याली तिरहुतिया गाछी पुगेर समापन गरिएको हो ।
गणतन्त्रको संरक्षण तथा पार्टीको सांगठनिक सुदृढीकरणलाई लक्षित गरी आयोजित ¥यालीमा जनकपुरधामका सबै वडा कमिटीका सदस्यहरू, युवा कार्यकर्ता, स्थानीय नेता तथा समर्थकहरू सहभागी थिए ।
उनीहरूले मोटरसाइकलमा एमालेको झण्डा फहराउँदै पार्टीको नारा लगाउँदै तथा लोकतान्त्रिक मूल्य–मान्यताको पक्षमा ऐक्यबद्धता जनाउँदै शहरका मुख्य सडकहरू परिक्रमा गरेका हुन् ।
