नवनियुक्त शिक्षामन्त्री पन्तले लिए पद तथा गोपनीयताको शपथ
प्रकाशित मिति : 24 April, 2025 4:51 pm
काठमाडौँ । नवनियुक्त शिक्षामन्त्री रघुजी पन्तले आज शीतल निवास पुगेर पद तथा गोपनीयताको शपथ लिएका छन् ।
एमालेबाट सांसद पन्तलाई राष्ट्रपति रामचन्द्र पौडेलले बुधबार शिक्षा, विज्ञान तथा प्रविधिमन्त्रीमा नियुक्त गरेका हुन्।
यसअघिका शिक्षामन्त्री विद्या भट्टराईले वैशाख ८ गते राजीनामा दिएपछि उनको स्थानमा पन्तलाई नियुक्त गरिएको हो। पन्त समानुपातिक निर्वाचन प्रणालीबाट चुनिएका सांसद हुन्।
