कोरोना संक्रमितको संख्या ५ हजार नाघ्यो, आज मात्रै ४ सय ४८ थपिए

काठमाडौं,३० जेठ ।

कोरोना संक्रमितको संख्या ५ हजार नाघेको छ । आज मात्रै ४ सय ४८ जना थपिएसँगै कोरोना संक्रमितको संख्या ५ हजार ६२ पुगेको स्वास्थ्य तथा जनसंख्य मन्त्रालयले पुष्टि गरेको छ ।

मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले  आज अहिलेसम्मकै सबैभन्दा धेरै कोरोना संक्रमित  ४ सय ४८ थपिएका  जानकारी दिए ।

संक्रमित मध्य ८ सय ७७ निको भएर घर फर्किएका छन् भने १६ जनाको मृत्यु भएको छ । मन्त्रालयका अनुसर विगत २४ घण्टामा ५,९२५ वटा नमुनाको पीसीआर विधिबाट परीक्षण गरिएको थियो।

अहिलेसम्म पीसीआर परीक्षणको संख्या १,२१,८६२ पुगेको छ। कोरोना संक्रमण ७२ जिल्लामा भेटिएको छ। प्रदेश नं २ र ५ मा बढी सङ्ख्यामा कोरोना भाइरस संक्रमित भेटिएका छन् । धेरैजसो भारतबाट आएका नेपाली रहेका छन् ।

• #कोरोना