सुदूरपश्चिममा २४ घण्टामै २१४ कोरोना भाइरस संक्रमित थपिए
प्रकाशित मिति : 18 June, 2020 5:12 pm
कैलाली, ४ असार ।
सुदूरपश्चिममा आज २४ घण्टामा २१४ जनामा कोरोना भाइरस संक्रमण पृष्टि भएको छ । टेकुस्थित राष्ट्रिय जनस्वास्थ्य प्रयोगशालामा २१३ र कर्णालीमा भएको परीक्षणमा एक जना गरी थप २१४ जनामा कोभिड-१९ पृष्टि भएको हो ।
संक्रमितहरू कैलाली, अछाम, बैतडी, डडेल्धुरा र बाजुरा जिल्लाका रहेको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले बताए।
कैलालीमा २ महिला र १९ पुरुष २१ जना , अछामका ११ महिला र ३१ पुरुष गरी ४२ जना, बैतडीका २ महिला र २३ पुरुष गरी २५ जना, डडेल्धुरामा ७ महिला र ७७ पुरूष गरी ८४ जना, बाजुरामा १५ महिला र २६ पुरुष गरी ४१ जनामा संक्रमण पुष्टि भएको हो।
