सुनको मूल्य ४ सय रुपैयाँ घट्यो
प्रकाशित मिति : 23 June, 2020 12:47 pm
काठमाडौं, ९ असार ।
कोरोना महामारीका कारण अस्थिर भएको सुनको मूल्य ४ सय रुपैयाँ घटेको छ ।
हिजो भन्दा आज ४ सय रुपैयाँले सुनको भाउ कम भएको हो । हिजो छापावाल सुन प्रतितोला ९१ हजार रुपैयाँमा कारोबार भएकोमा आज ९० हजार ६ सय रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।
त्यस्तै एक तोला तेजाबी सुनको मूल्य ९० हजार १ सय ६० रुपैयाँ कायम भएको छ भने सोही परिमाणको चाँदी को मूल्य ९४० रुपैयाँ छ ।
