रोल्पा नगरपालिकाद्धारा ७० करोड ३७ लाख ४१ हजार रुपैयाँको बजेट सार्वजनिक
प्रकाशित मिति : 24 June, 2020 10:16 pm
रोल्पा, १० असार ।
रोल्पा नगरपालिकाले आर्थिक बर्ष २०७७/७८ का लागि ७० करोड ३७ लाख ४१ हजार रुपैयाँको बजेट सार्वजनिक गरेको छ । सातौं नगरसभामा उपप्रमुख मनकुमारी घर्तीले आगागी आर्थिक वर्षका लागि ७० करोड ३७ लाख ४१ हजार रुपैयाँको बजेट प्रस्तुत गरेकी हुन् ।
कूल बजेट मध्ये नगरपालिकाले पूँजीगततर्फ ३० करोड ७१ लख ५ हजार र चालु तर्फ ३९ करोड ६६ लाख ३६ हजार रुपैयाँ बिनियोजन गरेको छ । नगरपालिकाले स्वास्थ्य, कृषि, शिक्षालाई प्राथमिकता दिएर बजेट विनियोजन गरेको छ ।
